Бұл іс-шараны Есту физиологиясы мен патологиясы институты Advanced Bionics компаниясымен бірлесіп ұйымдастырды және оған әлемнің түрлі елдерінен жетекші мамандар қатысты. Семинар бағдарламасы отиатриядағы және кохлеарлық имплантациядағы заманауи хирургиялық тәсілдерге, сондай-ақ профессор Генрик Скаржиньский әзірлеген жартылай және толық саңыраулықты емдеу тұжырымдамасына арналды.

Оқу барысында қатысушылар келесі тақырыптармен танысты:

• естуді сақтай отырып жүргізілетін жаңа хирургиялық техникалар;
• естуді объективті бағалау әдістері;
• жартылай саңыраулық кезінде стероидтарды қолдану;
• функционалдық нейровизуализация саласындағы соңғы жетістіктер;
• молекулалық маркерлер.

Семинардың екінші күні:

• Әлемдік есту орталығының операциялық залынан тірі операциялардың трансляциясы;
• самай сүйегін диссекциялау бойынша практикалық сессия;
• профессор Петр Скаржиньскийдің жетекшілігімен электродтарды имплантациялау бойынша тәжірибелік сабақ өтті.

Нурстултан Абеннің бұл сапары Қазақстан Республикасы мамандарының кәсіби құзыреттілігін дамытудағы маңызды қадам болды. Алынған білім мен дағдылар Түркістан өңірінде және одан тыс жерлерде есту қабілеті бұзылған пациенттерге көрсетілетін медициналық көмектің сапасын арттыру үшін күнделікті жұмыста қолданылатын болады.